ປະຫວັດແລະການເປັນມາຂອງວັດລາວພຸທະທັມມາຣາມ
---====== O ======---
ວັດລາວພຸທະທັມມາຣາມ ເມືອງພອດແລນດ໌ ຣັຖອໍຣິກັນ ໄດ້ກຳເນີດເກີດມາແຕ່ປີ 1980 ໂດຍຄົນລາວເຮົາຫມົດທຸກໆຄົນ ໄດ້ພ້ອມພຽງ ຮຽງຫນ້າກັນ ເຫັນດີເປັນເອກກະສັນ ຈັດຕັ້ງວັດຂື້ນຄັ້ງແຮກ ແມ່ນເຊົ່າເຮືອນປະຊາຊົນ ເປັນວັດ, ທີ່ເຮືອນ ເລຂທີ 1325 NE. Buffalo ຢູ່ທາງ North Portland ແລະຕໍ່ມາ ແມ່ນຍ້າຽມາເຮຶອນ ເລຂທີ 3626 SE. 62nd Ave Portland ໂດຍການນຳພາຂອງ ພຣະອາຈານ ກິດຳ ພວງຄຳ, ພຣະອາຈານ ມະຫາບຸນກອງ ສິງສູວັນ ແລະ ພຣະອາຈານ ມະຫາ ຄຳແສນ ກາບບົວຄຳ ເປັນເຈົ້າອາທິການວັດຕໍ່ໆກັນມາຈົນຮອດປັຈຸບັນປັຈຸບັນນີ້. ວັດລາວພຸທະທັທະຣາມ ແຫ່ງນີ້ໄດ້ຮັບອະນຸຍາດ ຈາກທາງການ ຮັຖອໍຣິກັນ ໃນວັນທີ 28 ຕຸລາ 1981 ແລະກົດຫມາຍ ຍົກເວັ້ນພາສີຂອງຣັຖ ໃນວັນທີ 28 ເດືອນພືສະພາ 1982 ຖືກຕ້ອງຕາມກົດຫມາຍ ຂອງບ້ານເມືອງທຸກປະການ.
1987 ຄະນະກັມະການວັດພວກເຮົາໄດ້ຕົກລົງຊື້ ໂບດເກົ່າ ໃນຣາຄາ $130,000.00 ທີ່ຢູ່ 4350 NE. 133rd Portland OR. 97230 ຈຳນວນເງິນທີ່ກ່າວນີ້ ໄດ້ຈ່າຍລຽບຮ້ອຍໄປຫມົດແລ້ວ.
1991 ການຂະຫຍາຽສາຣາໂຮງທັມທີ່ກ່າວນີ້ ຕົກເປັນເງິນທັງຫມົດ $50,898.00 ຢູ່ຕໍ່ມາປີ 1991 ພາຍຫລັງໄດ້ວັດໃຫມ່ ແລະໃຫຍ່ກວ່າເກົ່າ ແຕ່ປານນັ້ນ ຍັງບໍ່ພຽງພໍ ເພາະພີ່ນ້ອງຊາວລາວເຮົາພາກັນໄປທຳບຸນທຳທານ ນັບມື້ນັບຫລາຍຂື້ນ ປາກົດວ່າ ວັດທີ່ຄິດໄວ້ວ່າ: ເປັນວັດກ້ວາງຂວາງ ກໍເລີຽເປັນວັດແຄບ ຄົນລາວເຮົາຖືສາສນາພຸທ ເປັນພື້ນຖານ ແລະ ເປັນບ່ອນອິງ ຖ້າໄດ້ທຳບຸນ ທຳທານແລ້ວ ກໍມີຄວາມດີໃຈ ຄວາມດີໃຈແມ່ນການໄດ້ບຸນ, ສະນັ້ນຈື່ງພາກັນ ຫລັ່ງໄຫລໄປທຳບຸນບໍ່ໄດ້ຂາດ ໃນວັນພັກການ ຄືວັນເສົາ ວັນອາທິດ ແລະວັນບູນປະເພນີລາວເຮົາ ເມື່ອເປັນດັ່ງນັ້ນ ຄະນະກັມະການອຸປະຖັມວັດກໍບໍ່ໄດ້ຖໍ້ຖອຍ ນັບມື້ນັບບຸກຫນ້າໄປເລື້ອຽໆ ຈື່ງວາງແຜນການເສີມຕໍ່ ກໍ່ສ້າງສາລາໂຮງທັມທີ່ມີຢູ່ແລ້ວ ໃຫ້ກວ້າງຂວາງ ຕື່ມອອກໄປອີກ ດັ່ງທ່ານເຫັນຢູ່ປະຈຸບັນນີ້, ຄິດວ່າຄົງເປັນການເຫມາະສົມ ແລະກ້ວາງຂວາງພຽງພໍກັບການບັນຈຸ ຄົນມາທຳບຸນສະດວກຍິ່ງຂື້ນ.
1993 - Parking. ໃນປີ 1993 ພາຍຫລັງການເສີມຂະຫຍາຽ ສາ້ງສາລາໂຮງທັມເປັນທີ່ຮຽບຮ້ອຽແລ້ວ ເພື່ອຄວາມສະດວກ ແກ່ຜູ້ມາທຳບຸນ ກິນທານ ໃຫ້ໄດ້ມີບ່ອນຈອດຣົຖ ເປັນຣະບຽບ ສວຽງາມ ຈື່ງໄດ້ຂະຫຍາຍສ້າງສະຖານທີ່ ບອ່ນຈອດຣົຖຂື້ນໃຫມ່ ຈຳນວນ 87 ບ່ອນ ຮວມລາຍຈ່າຍທັງຫມົດ ຕົກເປັນເງິນ $87,740.00
1994 ສ້າງພຸທະສິມມາ ໄດ້ເຮີ້ມລົງມືປະຕິບັຕມາແຕ່ປີ 1994 ໄດ້ສຳເຮັດລົງໄປໄນປີ 1997 ຕົກເປັນເງິນ $316,210.00 ພ້ອມກັນນັ້ນກໍໄດ້ທຳພິທີ ເຮັດບຸນຂອດສິມ ໃນປີ 1997 ໄປພ້ອມກັນ.
ການສ້າງມະຫາກຸຕິ - ເລີ້ມສາ້ງໃນເດືອນ ກຸມພາ ປີ 2004 ສຳເຮັດລົງໃນຕົ້ນປີ 2005 ເປັນກຸຕິຂະນາດີໃຫຍ່ ສອງຊັ້ນ ມີ 7 ຫ້ອງນອນ ຫ້ອງສະມຸດ ສືກສາແລະຄົ້ນຄວ້າ ສອງຫ້ອງ ຕົກເປັນເງິນທັງຫມົດ $263,370.00
ນັບແຕ່ມື້ເລີ້ມສ້າງກຸຕີມາເຖີງປະຈຸບັນນີ້ ມີພໍ່ແມ່ພີ່ນ້ອງຊາວລາວ ແລະຊາວຕ່າງດ້າວ ຜູ້ໃຈບຸນທັງຫລາຍ ໄດ້ຮ່ວມກັນເປັນເຈົ້າສັດທາ ໂມທະນາເງິນສ້າງກຸຕິ ນັບມື້ນັບຫລາຽຂື້ນນຳທຸກໆວັນ ຕາມລາຽຊື່ທີ່ຂ່າວສານ ຂອງວັດພຸທະທັມມາຣາມໄດ້ອອກຂ່າວໄປແລ້ວ.
ຊັບສົມບັຕຂອງແຕ່ລະທ່ານ ໄດ້ນຳມາໂມທະນາ ກິນທານ ດ້ວຽຄວາມບໍຣິສຸດໃຈນີ້ ຈະເປັນຈຳນວນນ້ອຽ ຫລືຫລາຽນັ້ນ ກໍນັບວ່າເປັນກອງບູນ ອັນມະຫາສານຂອງທ່ານ, ບູນສິນກິນທານຂອງພວກເຮົາເລົ່ານີ້ແລ້ວ ຈະມາຊ່ວຽຄຸ້ມຄອງປົກປັກຮັກສາຫມົດຄອບຄົວລູກໆ ຫລານໆຂອງທ່ານໃຫ້ມີຄວາມສຸກ ຄວາມຈະເຣີນ ປັດສະຈາກໂຣກໄພໄຂ້ເຈັບ ອັນຕລາຽບໍ່ມາບຽດບຽນ, ເຮົາໄດ້ກິນໄດ້ທານ...ເຮົາດີໃຈ ຄວາມດີໃຈ
ນັ້ນແຫລະ ແມ່ນບູນ ດັ່ງນັ້ນເພີ່ນຈຶ່ງວ່າ: ບູນບາບນີ້ໄປນຳເຮົາທຸກບາດຍ່າງ ພີ່ນ້ອງເຮີຽ...ຜູ້ໃດສ້າງ ຜູ້ນັ້ນໄດ້ ຜູ້ໃດໄປ ຜູ້ນັ້ນຮອດ ຜູ້ໄດກິນ ຜູ້ນັ້ນອິ່ມ ຂໍຈົ່ງພາກັນສ້າງໄວ້ ໄດ້ແທ້ແນ່ນອນ !
ສະນັ້ນທາງຄະນະກັມະການວັດ ພຸທະທັມມາຣາມ ເມືອງພອດແລນດ໌ ຂໍອະນຸໂມທະນານຳຫມົດທຸກໆຄົນ ຂໍອວຽໄຊໃຫ້ພອນ ຂໍວິ່ງວອນ ເອົາຄຸນພຣະສີຣັດຕະນະໄຕຣ ຄຸນພຣະພຸທ ພຣະທັມ ພຣະສົງ ແລະສິ່ງສັກສິດທັງຫລາຽ ຊື່ງສະຖິດໃນໂລກນີ້ ຈົ່ງມາປົກປັກຮັກສາພີ່ນ້ອງ ເຈົ້າສັດທາຫມົດທຸກໆຄົນ ຈົ່ງເວັ້ນຈາກ ໂພຍໄພ ອັນຕຣາຽທັງປວງ ຢ່າໄດ້ມາບຽດບຽນຜູ້ຂ້າເທີ້ນ...ງ
ຂໍໃຫ້ມີອາຍຸ ວັນນະ ສຸກຂະ ພະລະ ຕລອດໄປ
ຈາກຄະນະກັມະການວັດ.
